Des statistiques récemment publiées révèlent que Maurice est un importateur net des produis alimentaires. Cette situation est inquiétante. Ecoutez les commentaires de Jérôme Boulle.

Recemment, bureau statistiques finn rend public bann chiffres lor production alimentaire dans Moris. Sa bann renseignements là ape fer Mauriciens gagne tracas.

D'après l'information, durant deux dernier l'année, quantité légumes récoltées finn diminué. En 2017 nous ti produire 106, 000 tonnes produits vivriers et en 2018 finn gagne ziss 96,000 tonnes. Même zafer pou la viande. En 2017 avec bef local ti gagne 90 tonnes et en 2018 n'a pas finn kapav dépasse 78 tonnes. Nou trouve meme tendance pou la viande cabri, mouton ek porc aussi.

Sa situation la ape inquiète beaucoup Mauriciens. Parski prix légumes ape monté sans cesse. Et souvent nous bann compatriote ape bisin mange légumes importés. Carottes, zaricot tann, lichoux et mem bann fruits comma papaye ek melon d'eau sorti lot pays. Maurice ape alle vers enn situation insuffisance alimentaire.

Bann différent lotorite na pas paret pe harmonise zot  point de vue lor développement pays. Par exemple ministère Tourism ape fer campagne pou augmente nombre visiteurs ki vinn Moris. Actuellement ena au moins 1 million etrangers ki vinn dans pays sak l'année. Selma, Maurice n'a pas pe prend aukenn disposition pour produire mangé pou zot.

Donc, nou ape bisin importe mange par avion et nous balance commerciale constamment déficitaire. En janvier 2019, valeur l'importation marchandise dans Maurice ti dépasse valeur l'exportation par neuf milliard roupies.

Pourtant en l'an 2000 le pays ti gagne enn l'occasion pou réoriente l’agriculture. Sa lepok la, secteur sucrier ti pe perdi so bann protection. Lerla tablisma ti ape abandonne plantation canne. Et au lieu gouvernement  encourage zot fer culture alternative, finn au contraire donne zot faciliter pou construire villas IRS vann ek étrangers et gagne la monnaie rapidement.

Ler gouvernement changer en 2014, sa tendance urbanisation la accéléré. Sak l'année l'agriculture perdi plis ki 2000 hectares la terre ki converti pou vinn Gated residence avec golf course. Aster ape koz Smart city.

Selma, koma dire bann politiciens pa pe prend tracas avek sa situation la. Entretemps, le pays ape vinn dependant de l’etranger pou so l’alimentation. Et sa li bien inquietant.