À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Kan mo get mo refleksion dan dilo

Mo trouv enn fam kinn brize.

Me dibout vivan enn vre eroinn.

Mo trouv douler, depresion, solitid san parol.

Me osi lafors ki brile san kontrol.

Mo ti kriye kifer mwa?

Dan soufrans mo ti viv.

Depresion vini san previzion.

Dan enn silans enn kri sourd enn labim san fin kot mo ti pran refiz.

Bann miray pa ti zis ekoute.

Zot ti koze osi. Zot bann parol ti pwazon.

Zot ti dir: To enn vorien.

To tousel.

To pena solision.

Zot ti rod met mo nam dan zot prizon.

Mo ti kriye kifer mwa?

Kan mo’nn vagabonde dan sa vale-la

Enn dezer san zetwal kot tou rev tonbe.

Pena lizour pena lanwit.

Zis enn lonbraz san fin.

Mo lespri ti kriye.

Mo leker ti kase

Mo lekor ti tranble.

Mo ti kasiet mo figir.

Trap mo douler.

Bwar mo larm.

Fer li vinn mo melodi.

ME KIFER PA MWA?

Pou releve malgre tou sa?

Fer mo lavwa rezone partou laba.

Mo ti kriye kifer mwa?

Kan pwin interogasion ti met mo bann zanfan dan konfizion.

Pou trouv zot mama san orientasion.

KIFER PA MWA?

Pou amen sa konba-la?

Pa kile kouma enn vre solda.

Kouma boukou avan ou lezot an mem tan ki mwa.

Mo ti krwar tou ti fini. Lavi nwar.

Dan mo leker ti ena zis dezespwar.

Bondie inn ekout mo bann lapriyer.

Li’nn lev mwa.

Li’nn tir tou mo bann freyer.

Se so lamour kinn tini mwa.

Depresion ti preske fini mwa.

Tou ti gri dan mo lavi.

Mo kreater inn remet mwa dan so lalimier.

Azordi mo debout, mo lavi regagn kouler.

Mo pe naz dan leboner.

Zame pa krwar ki to’nn kase.

Pa kapav repare.

Pa zet zarm san to seye.

Sirtou touzour gard La Foi.

KIFER PA MWA?

Alalila mo’nn resi.

Mersi tou bann ki’nn touzour la.

San zot pa ti pou fasil amen sa konba la.

Bio

Anuradha Ramooah Pothunnah

L’écriture pour elle, c’est bien plus qu’un art : c’est une pulsation, un battement de cœur, une force qui la traverse et lui permet de donner vie à des vérités souvent étouffées. Avec ce poème, elle veut briser les chaînes du doute, réveiller ce feu en chacun, ce cri silencieux qui dit : pourquoi pas moi ? Pourquoi ne pas croire que tout est possible ? Chaque mot qu’elle écrit est un acte de résistance, une étincelle d’espoir, une invitation à rêver plus grand, à vivre plus fort. Son écriture est un écho de notre humanité, une quête de justice et une promesse que, même dans l’obscurité, la lumière n’est jamais loin.